Hacıqabulda yol qəzası:həlak olanların kimliyi bilindi- - YENİLƏNİB

Hacıqabul rayonu ərazisindəki körpüdə dünən baş vermiş ağır yol-nəqliyyat qəzasında ölə\mlərin şəxsiyyəti müəyyən edilib.

APA-nın Mil-Muğan bürosunun məlumatına görə, hadisə nəticəsində həlak olanlar «Mersedes»in sürücüsü Cəbrayıl rayon sakini Telmanzadə Elsevər Telman oğlu və İmişli şəhər sakini 1996-cı il təvəllüdlü İbişov Ülvi Təyyar oğludur. Halak olanlar və yaralananların hamısı «Mersedes»in içərisində olublar. Yük maşınının sürücüsü avtomobildən tullanaraq sağ qala bilib.

***

22.19

Bakı-Qazax yolunun Hacıqabul rayonu ərazisindən keçən hissəsindəki körpüdə bu gün saat 20.45 radələrində ağır yol-nəqliyyat qəzası baş verib.

APA-nın Mil-Muğan bürosunun məlumatına görə, «SHACMAN» tipli yük maşını ilə «Mersedes» tipli minik avtomobilinin toqquşması nəticəsində 2 nəfər ölüb, 3 nəfər isə yaralanıb. Yaralılar, Cəbrayıl rayon sakini 1972-ci il təvəllüdlü Abbasov Elşən Fərhad oğlu, İmişli şəhər sakini 1973-cü il təvəllüdlü İbişov Səyyar Cəlal oğlu və 1962-ci il təvəllüdlü Ağayev Kazım Əli oğlu ağır vəziyyətdə, kəllə-beyin və multitravmalarla Şirvan şəhər xəstəxanasında çatdırılıblar. Hadisə nəticəsində qum ilə dolu «SHACMAN» maşını körpüdən, 7-8 metr hündürlükdən aşıb.

****

21.54

Bakı-Qazax yolunun Hacıqabul rayonu ərazisindən keçən hissəsində körpüdə ağır yol-nəqliyyat qəzası baş verib.

APA-nın Mil-Muğan bürosunun məlumatına görə, «SHACMAN» tipli yük maşını ilə «Mersedes» tipli minik avtomobilinin toqquşması nəticəsində 3 nəfər ölüb, 3 nəfər isə yaralanıb. Yaralılar ağır vəziyyətdə Şirvan şəhər xəstəxanasında çatdırılıblar. Hadisə nəticəsində qum ilə dolu «SHACMAN» maşını körpüdən, 7-8 metr hündürlükdən aşıb.