Hacıqabulda və Xırdalanda ev yanıb

Hacıqabul şəhərində ev yanıb. Lent.az Fövqəladə Hallar Nazirliyinin saytına istinadən xəbər verir ki, ikimərtəbəli yaşayış binasının ikinci mərtəbəsində vətəndaşa məxsus ümumi sahəsi 40 kvadrat metr olan 2 otaqlı mənzilin mətbəx və dəhlizinin yanar konstruksiyaları 20 kvadrat metr sahədə və binanın dam örtüyü 40 kvadrat metr sahədə yanıb. Binanın qalan hissəsi yanğından mühafizə olunub. Yanğın saat 09:13-də söndürülüb.

Oxşar hadisə Abşeron rayonu, Xırdalan şəhərində də baş verib. Vətəndaşa məxsus ümumi sahəsi 100 kvadrat metr olan birmərtəbəli 3 otaqlı evin dam örtüyünün yanar konstruksiyaları və mətbəxdə olan ev əşyaları 15 kvadrat metr sahədə yanıb. Evin qalan hissəsi yanğından mühafizə olunub. Yanğın saat 09:40-da yanğınsöndürənlər tərəfindən söndürülüb.