Göyçay rayonunda bir qadının ölümü ilə nəticələnən yanğın hadisəsi baş verib.
Rayon yanğından mühafizə hissəsindən APA-ya verilən məlumata görə, hadisə martın 8-də səhər saat 08:30 radələrində Göyçay şəhərinin S.Vurğun küçəsindəki 58 saylı mənzildə qeydə alınıb.
Ev sahibi, 1928-ci il təvəllüdlü Nuriyeva Tavat Hüseynalı qızına məxsus ümumi sahəsi 144 kvadratmetr olan ikimərtəbəli evdə baş verən yanğının söndürülməsi üçün dərhal əraziyə 3 yanğınsöndürən maşın və canlı qüvvə cəlb edilib.
Нanğınsöndürənlər evin tamamilə yanmasının qarşısını alıblar.
Hadisə şahidlərinin APA-ya verdiyi məlumata görə, sobanın yanında oturaraq yuxuya gedən ev sahibi Tavat Nuriyeva yanaraq ölüb. O, ikinci mərtəbənin döşəməsinin yanıb qopması nəticəsində birinci mərtəbəyə düşüb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
