Hava Nəqliyyatında Baş Gömrük İdarəsinin əməkdaşları külli miqdarda malın gömrük sərhədindən düzgün bəyan etməməklə və gizlədərək keçirilməsinə cəhdin qarşısını alıblar.
Lent.az-ın Gömrük Komitəsinin saytına istinadən verdiyi məlumata görə, Gömrük hüquqpozmalarına qarşı mübarizə şöbəsinə daxil olan məlumat əsasında Çin Xalq Respublikasından karqo ilə göndərilən brutto çəkisi 9935 kq olan geyim əşyaları gömrük əməkdaşları tərəfindən nəzarətə götürülüb.
Hava Nəqliyyatında Baş Gömrük İdarəsində rəsmiləşdirilən müvafiq gömrük bəyannaməsi ilə "şallar, şərflər, kaşnelər, mantilyalar, duvaqlar və analoji məmulatlar" adlı mal sərbəst dövriyyəyə buraxılış gömrük proseduru altında bəyan edilib.
Həmin yük buraxılış mərhələsindən keçdikdən sonra gömrük əməkdaşları tərəfindən saxlanılıb və müvafiq qanunvericiliyə uyğun olaraq mallara Bakı Karqo Terminalında təkrar yoxlama keçirilib.
Təkrar yoxlama zamanı, bir ədəd bağlamada olan 80 qadın gödəkçəsindən 20 ədədinin içərisində xüsusi qaydada gizlədilmiş, gömrük orqanına düzgün bəyan edilməmiş 20 ədəd qadın xəz kürkləri aşkarlanıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
