Bu gün Bakı Apellyasiya Məhkəməsində Dövlət Bayrağı Meydanı Kompleksi İdarəsinin sabiq rəisi Rəşad Məmmədovun və onunla birlikdə həbs edilən İsfəndiyar İsfəndiyarovla Arzu Məmmədovun apellyasiya şikayətlərinə baxılıb.
Lent.az-ın məlumatına görə, məhkəmə apellyasiya şikayətlərini təmin etməyib.
Qeyd edək ki, adı çəkilən şəxslər Milli Təhlükəsizlik Nazirliyinin (MTN) əməkdaşları tərəfindən bu ilin may ayında tutulub. Onlar Cinayət Məcəlləsinin 178-ci (dələduzluq) maddəsinə əsasən ittiham olunur.
Hər üç şəxsin barəsində seçilmiş həbs qətimkan tədbirinin müddəti dekabrın 9-da Səbail rayon Məhkəməsinin qərarı ilə 3 ay artırılıb. Həmin qərarla razılaşmayan təqsirləndirilən şəxslər isə vəkilləri vasitəsi ilə apellyasiya şikayəti veriblər. Onlar həmin qərarın ləğv edilməsini və azadlığa buraxılmalarını istəyirlər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
