Dostunu öldürən gəncin istəyi reallaşmadı

Bakı Apelyasiya Məhkəməsində dostunu öldürməkdə təqsirli bilinən 1993-cü il təvəllüdlü Yusif Ələkbərzadənin apelyasiya şikayətinə baxılıb.

Lent.az-ın məlumatına görə, hakim Faiq Qasımovun sədrlik etdiyi prosesdə qərar qəbul verilib. Qərara əsasən Yusif Ələkbərzadənin apelyasiya şikayəti təmin edilməyib.

Qeyd edək ki, Yusif Ələkbərzadə keçən il iyunun 5-də Bakıxanov qəsəbəsində - 96 saylı məktəbin həyətində dostu, 1992-ci il təvəllüdlü Elçin Abbasovu bıçaqlayaraq qətlə yetirib.

İstintaq zamanı 21 yaşlı Yusif Ələkbərzadənin dostu Elçin Abbasovu köynəyə görə qətlə yetirib. Hadisə baş verən gün Yusif Ələkbərzadə dostundan köynək istəyib. Lakin Elçin köynəyini Yusifə verməkdən imtina edib. Elə bunun üstündə onlar arasında mübahisə düşüb. Söhbəti 96 saylı məktəbin həyətində davam etdirmək üçün görüş təyin ediblər. Aralarında yaranan mübahisə zəminində Yusif dostu Elçini bıçaqlayaraq qətlə yetirib və hadisə yerindən qaçıb. Buna baxmayaraq polis onu hadisədən bir gün sonra həbs edə bilib.

Yusif Ələkbərzadə Azərbaycan Dövlət Neft Akademiyasının 3-cü kurs tələbəsidir. Elçin Abbasov isə tibb avadanlıqlarının satışı ilə məşğul olurmuş.
Bakı Ağır Cinayətlər Məhkəməsinin hökm ilə Yusif Ələkbərzadə 9 il müddətinə azadlıqdan məhrum edilib. Hökmdən narazı qalan Yusif Ələkbərzadə aöelyasiya şikayəti verərək cəzasının yüngülləşdirilməsini istəyib.