Dənizdə meyiti tapılan kişinin ölüm səbəbi bilindi

İyunun 26-da Sumqayıtda dənizdə meyiti tapılan kişinin şəxsiyyəti müəyyənləşib.

Məhkəmə-Tibbi Ekspertiza və Patoloji Anatomiya Birliyinin Sumqayıt şöbəsindən APA-nın yerli bürosuna verilən məlumata görə, bu, 1961-ci il təvəllüdlü Valeri Viktoroviç Ponomrenkodur. Onun intihar etdiyi bildirilir.

Qeyd edək ki, iyunun 26-da Sumqayıtda dənizdə kişi meyiti tapılıb.

Orta yaşlarında kişi meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun axtarışları nəticəsində aşkar olunub.

Xatırladaq ki, həmin şəxs iyunun 24-də dənizdə batmışdı.