Daş karxanasında qətl törədən şəxs apellyasiya şikayəti verdi

Daş karxanasında bir nəfəri qətlə yetirməkdə, birini yaralamaqda təqsirli bilinərək həbs edilən Nurəddin Məmmədov apellyasiya şikayəti verib. Lent.az-ın məlumatına görə, şikayət baxılması üçün Bakı Apellyasiya Məhkəməsində, hakim Abid Abdinbəyov icraatındadır. Məhkəmənin ilkin baxış iclası iyunun 11-ə təyin edilib.

Qeyd edək ki, keçən ilin mayın 25-də Qaradağ rayonu Səngəçal qəsəbəsinin ərazisində yerləşən daş karxanasında Nurəddin Məmmədov münaqişə zəminində orada işləyənlər - Cəlilabad rayon sakinləri Qabil Həsənov və Fəryaz Məmmədovu bıçaqlayıb.

Xəstəxanaya yerləşdirilən Fəryaz Məmmədov mayın 26-da ölüb, Qabil Həsənova tibbi yardım göstərilib.

Bakı Ağır Cinayətlər Məhkəməsinin hökmü ilə Nurəddin Məmmədov 15 il müddətinə azadlıqdan məhrum edilimişdi. O, hökmlə razılaşmayaraq cəzasının yüngülləşdirilməsini istəmişdi.