Azərbaycanda 16 yaşlı oğlan qonşusunu al-qana boyadı - TƏFƏRRÜAT

Cəlillabadda 16 yaşlı gənc qonşusunu bıçaqlayıb.

Lent.az-ın məlumatına görə, şəhər sakini 2000-ci il təvəllüdlü Səid Əliyev qonşuluqda yaşayan 1994-cü il təvəllüdlü Məhəmmədəli Kərimovla mübahisə edib. Mübahisə daha da gərginləşib, tərəflər arasında söyüş söyülüb. 16 yaşlı Səid Əliyev qonşusuna 7 bıçaq zərbəsi vurub. Səid Əliyev hadisə yerində qaçıb. Məhəmmmədli Kərimov kəsilmiş-deşilmiş vəziyyətdə xəstəxanaya çatdırılıb. Yaraları tikilsə də, onun vəziyyəti hələ də ağırdır.

Səid Əliyev isə polis əməkdaşları tərəfindən saxlanılıb. O ilkin ifadəsində hadisəni söyüş üstündə baş verdiyini bildirib. Onun barəsində Cəlilabad rayon Məhkəməsində həbs-qətimkan tədbiri seçilib.