Bakıda mənzildən külli miqdarda pul və qızıl oğurlanıb. Xətai rayon Polis İdarəsindən Lent.az-a verilən məlumata görə, Gəncə prospektində yerləşən və paytaxt sakini 1937-ci il təvəllüdlü Xəlilova Rəmziyə Kazım qızına məxsus evdən 20 min manat pul və 3 min manat dəyərində qızıl oğurlanıb. Ev sahibəsi hadisə ilə bağlı hüquq-mühafizə orqanlarına müraciət edib. Pulu və qızılları oğurlamış şəxs və ya şəxslərin müəyyən edilərək yaxalanması istiqamətində iş aparılır.
Lent.az-ın məlumatına görə, mənzili yarılmış R.Xəlilova Azərbaycanın tanınmış kənd təsərrüfatı alimlərindəndir. Kənd təsərrüfatı üzrə elmlər doktoru olan qadın 2010-cu ildə “Tərəqqi” medalı ilə təltif edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
