Bakıda qardaşını qətlə yetirən şəxs tutulub - YENİLƏNİB

Ailə-məişət münaqişəsi zəminində qardaşının ölümünə səbəb olmuş paytaxt sakini ələ keçib.

Lent.az-ın DİN-in saytına istinadən məlumatına görə, dekabrın 25-də Nərimanov rayonu ərazisində paytaxt sakini, əvvəllər məhkum olunmuş Elxan Həbibov ailə-məişət münaqişəsi zəminində qardaşı, əvvəllər məhkum olunmuş Əbülfətə bıçaqla xəsarət yetirmişdi. Əbülfət xəstəxanaya aparılarkən yolda ölmüşdü.

Nərimanov RPİ 18-ci PB əməkdaşlarının həyata keçirdikləri əməliyyat-axtarış tədbirləri nəticəsində E.Həbibov tutulub.

***

00:33

Bakıda qətl hadisəsi törədilib. APA-nın məlumatına görə, hadisə Nərimanov rayonu ərazisində, Aşıq Alı küçəsi, 3 ünvanında baş verib.

45 yaşlı Elxan Həbibov yaşadıqları binanın həyətində qardaşı, 43 yaşlı Əbülfət Həbibovla mübahisə edib. Mübahisə zamanı Elxan Həbibov üzərində gəzdirdiyi bıçaqla qardaşına bir neçə zərbə endirib. O, Əbülfət Həbibovun başından dəmir parçası ilə də dəfələrlə vurub. Nəticədə 43 yaşlı Əbülfət Həbibov hadisə yerində ölüb.

Hadisə yerinə hüquq-mühafizə orqanlarının əməkdaşları gəliblər. Elxan Həbibov saxlanılıb. Nərimanov rayon prokurorluğunda faktla bağlı Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb, araşdırma aparılır.

APA-nın əldə etdiyi məlumata görə, Elxan Həbibov ruhi xəstədir. Onun qətlə yetirdiyi qardaşının da psixi problemləri olub. Həbibovların bir qardaşı bir neçə il əvvəl özünü yaşadıqları mənzilin eyvanından özünü ataraq, intihar edib.