Bakıda oğurluq etmiş 3 nəfər tutuldu

Bakıda oğurluq etmiş şəxslər tutulub. Lent.az Bakı şəhər Baş Polis İdarəsinə istinadən xəbər verir ki, Binəqədi RPİ 7-ci PB əməkdaşlarının keçirdiyi əməliyyat-axtarış tədbirləri nəticəsində noyabrın 23-də M.Cəlal küçəsində Oktay Quliyevə məxsus binanın zirzəmisindən 2 ədəd su nasosu, 3 ədəd su qızdırıcısı, avtomobil diski və 30 metr elektrik kabeli oğurlamaqda şübhəli bilinən şəxslər tutulub.

Cinayətdə şübhəli bilinən Masallı rayon sakinləri - 1986-cı il təvəllüdlü Həsənağa Əliyev, əvvəllər məhkum olunmuş 1995-ci il təvəllüdlü Qafar Qəhrəmanlı və Neftçala rayon sakini 1995-ci il təvəllüdlü Valeh Quliyev tutulub.

Araşdırma davam etdirilir.