Bakıda ikimərtəbəli, Salyanda dördotaqlı ev yanıb

Bu gün Bakı şəhəri, Xəzər rayonunda ev yanıb. Lent.az Fövqəladə Hallar Nazirliyinin saytına istinadən xəbər verir ki, vətəndaşa məxsus ümümi sahəsi 22 kv.m olan birmərtəbəli 2 otaqlı evin dam örtüyünün yanar konstruksiyaları 4 kv.m sahədə yanıb və yüksək temperaturdan mətbəxin lambirdən ibarət tavanı 2 kv.m sahədə əriyib. Evin qalan hissəsi yanğından mühafizə olunub. Yanğın saat 09:23-də yanğınsöndürənlər tərəfindən söndürülüb.

Oxşar hadisə Salyan rayonunda da qeydə alınıb. Kürsəngi kəndində vətəndaşa məxsus ümumi sahəsi 156 kv.m olan birmərtəbəli 4 otaqlı evin 1 otağının tavanı 36 kv.m sahədə yanıb. Evin qalan hissəsi yanğından mühafizə olunub. Yanğın saat 11:16-da yanğınsöndürənlər tərəfindən söndürülüb.