Bakıda 20 metrlik ağac evlərin üzərinə aşdı

Bakıda güclü külək hündür ağacı evlərin üzərinə aşırıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, paytaxtda əsən güclü küləyin təsirindən hündürlüyü 15-20 metr, diametri 1 metr olan ağac aşaraq 3 fərdi yaşayış evinin üzərinə düşüb. Əraziyə cəlb edilmiş FHN xilasediciləri və Bakı şəhəri İcra Hakimiyyətinin Yaşıllaşdırma İdarəsinin əməkdaşları ilə birgə təhlükə yaradan ağacı xüsusi alət vasitəsilə kəsib, sakinlərinin təhlükəsizliyini təmin ediblər.