Bakının əsas küçə və prospektlərində tıxac yaranıb.
Nəqliyyatı İntellektual İdarəetmə Mərkəzindən APA-ya verilən məlumata görə, paytaxtın əksər küçə və prospektlərində yaranan tıxac Novruz bayramı ilə əlaqədardır.
Tıxacın əsasən Tbilisi, Babək, Azadlıq prospektlərində, habelə Bayraq meydanından şəhər istiqamətinə, Bakı-Sumqayıt şosesi, Üzeyir Hacıbəyov, Zərifə Əliyeva, Niyazi, Rəşid Behbudov küçələrində müşahidə edildiyi bildirilib.
Sürücülərə həmin istiqamətlərdə şəxsi nəqliyyat vasitələrindən az istifadə etmələri tövsiyə olunur.