Bacılarını öldürən şəxsin ibtidai istintaqı başa çatıb

Bakıda bacılarını qətlə yetirməkdə təqsirləndirilən Muxtar Əhlimanovun cinayət işi üzrə ibtidai istintaq başa çatıb.

APA-nın məlumatına görə, təqsirləndirilən şəxs barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Azər Paşayevin icraatına verilib. Məhkəmənin hazırlıq iclasının vaxtı açıqlanmayıb.

Qeyd edək ki, ötən il aprel 15-də Xəzər rayonunun Buzovna qəsəbəsində 1976-cı il təvəllüdlü M. Əhlimanov ailə münaqişəsi zəminində bacısı, 1964-cü təvəllüdlü Səadət Əhlimanovanı bıçaqlayaraq öldürüb, daha sonra digər bacısı, 1962-ci il təvəllüdlü Məlahət Əhlimanovanı bıçaqlayaraq xəsarətlər yetirib. Aprelin 16-da Məlahət Əhlimanova xəstəxanada keçinib.

Muxtar Əhlimanova Cinayət Məcəlləsinin 120.2.7-ci (iki və daha çox şəxsi qəsdən öldürmə) maddəsi ilə ittiham verilib.