İnsan alverində təqsirləndirilən Təranə Nemətovanın cinayət işi üzrə ibtidai istintaq başa çatıb.
Lent.az-ın məlumatına görə, təqsirləndirilən qadın barəsində toplanan cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Samir Əliyevin icraatına verilib.
Qeyd edək ki, cinayət işi üzrə 3 zərərçəkmiş qadın var. İttihama görə, T. Nemətova həmin qadınların etibarından sui-istifadə edərək xarici ölkələrə aparıb və cinsi istismara məruz qoyub.
Ona Cinayət Məcəlləsinin 144-cü (insan alveri) maddəsi ilə ittiham verilib.