Azərbaycanda ayı kəndə hücum edib 1 nəfəri parçaladı - YENİLƏNİB

Şamaxıda ayı kəndə hücum edib və Talışnuru kənd yolunda 1 nəfəri yaralayıb. Lent.az-ın Kanal S-ə istinadən məlumatına görə, hadisə vaxtı Şamaxı rayon sakini 35 yaşlı Hüseynov Sədi ayının hücümuna məruz qalıb. Sədinin sözlərinə görə, ayı onun qarşısna ani olaraq çıxıb və üzərinə hücum çəkib. O, bədənin müxtəlif nahiyələrindən xəsrətlər alıb. Əsasən ayı onun boyun nahiyəsini parçalayıb. Çətinliklədə olsa da, o, ayının əlindən xilas olmağı bacarıb. Yaxınlarına zəng etməyi bacaran yaralını dərhal ağır vəziyyətdə Şamaxı Rayon Mərkəzi Xəstəxanasına çatdırıblar.

Zərərçəkənin sözlərinə görə, hadisə zamanı o, Talışnuru kəndindən evələrinə qaydırmış. Sözügedən ərazi isə sıx meşəlik olub. Qeyd edək ki, bənzər hadisə Şamaxıda ikinci dəfədir ki, yaşanır. Ötən il isə rayonun Keşmədin kəndinə ayı hücum etmiş və 2 nəfəri yaralamışdı.