[b]Novxanı çimərliyində 2 meyit tapıldı - YENİLƏNİB[/b]

Bazar günü Goradil çimərliyində dənizdə batan iki gənc oğlanın meyiti tapılıb. Lent.az xəbər verir ki, suda boğularaq ölən 1995-ci il təvəllüdlü Mehtiyev Təbriz Vilayət oğlu və 1994-cü ildə anadan olmuş Teymurov Müvhid Tehmir oğlunun meyiti Novxanı çimərliyində aşkarlanıb.

Qeyd edək ki, vəfat edən gənclrin hər ikisi Cəlilabad darayon sakinidir və çimərliyə birgə gediblər.

*****

10:35

Dünən Goradil çimərliyində dənizdə batan şəxslərin kimliyi məlum olub. Lent.az xəbər verir ki, küləkli hava şəraitində suda boğularaq ölən şəxslər 1995-ci il təvəllüdlü Mehtiyev Təbriz Vilayət oğlu və 1994-cü ildə anadan olmuş Teymurov Müvhid Tehmir oğlu olub. Onların hər ikisi Cəlilabad darayon sakinidir və çimərliyə birgə gəliblər.

Hazırda suda boğulan gənclərin meyitinin tapılması istiqamətində iş aparılır.

*****

30 iyul

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə, Abşeron rayonunda 2 nəfərin dənizdə çimərkən batması barədə məlumat daxil olub.

APA-nın FHN-nin saytına istinadən verdiyi məlumata görə, dərhal nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub və vətəndaşların axtarışlarına başlanıb.

Əlavə məlumat veriləcək.