Məhkəmə qızını zorlayan şəxsin cəzasını azaltmadı

Bakı Apellyasiya Məhkəməsində öz doğma qızını zorlamaqda təqsirli bilinən 1978-ci il təvəllüdlü Rəşad Kazımovun birinci instansiya məhkəməsinin hökmündən verdiyi şikayət üzrə məhkəmə prosesi başa çatıb.

Lent.az-ın məlumatına görə, hakim Qail Məmmədovun sədrliyi ilə keçirilən prosesdə qərar elan edilib. Hakimlər kollegiyasının qərarına əsasən Rəşad Kazımovun şikayəti təmin edilməyib.

Qeyd edək ki, hadisə Binəqədi rayonunda baş verib. Rayon sakini Rəşad Kazımovun həyat yoldaşı qəsəbədə olan çörək sexlərinin birində çalışırmış. O, işə gedən zaman Rəşad Kazımov öz azyaşlı qızı 10 yaşlı Gülnara (ad şərtidir) qarşı seksual xarakterli hərəkətlər edib. Bu hadisə illərlə (qızın 3 yaşından bəri) davam edib. Bir gün R. Kazımovun yoldaşı bundan xəbər tutub və hüquq-mühafizə orqanlarına məlumat verib. Polis əməkdaşları Rəşad Kazımovu saxlayıb. Ona Cinayət Məcəlləsinin 150.3.3. (təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham verilib.

Bakı Ağır Cinayətlər Məhkəməsinin hökmü ilə Rəşad Kazımov 15 il müddətə azadlıqdan məhrum edilib.