Narkotik alverçisinə 11 HƏBS CƏZASI

Narkotik dövriyyəsində təqsirləndirilən Səfər İbrahimovun məhkəmə prosesi başa çatıb.

Lent.az-ın məlumatına görə, Bakı Ağır Cinayətlər Məhkəməsində hakim Rauf Əliyevin sədrlik etdiyi iclasda hökm oxunub. Hakimlər kollegiyasının hökmünə əsasən, S. İbrahimov 11 il müddətinə azadlıqdan məhrum edilib.

Qeyd edək ki, S.İbrahimov bu il yanvar ayının 15-də Səbail Rayon Polis İdarəsinin Narkotiklə Mübarizə Bölməsinin əməkdaşları tərəfindən saxlanılıb. Onun üzərinə baxış keçirilərkən şalvarının cibindən 200 manat pul və marixuana aşkar edilib. S.İbrahimov Cinayət Məcəlləsinin 234.4.3-cü (narkotik, külli miqdarda) maddəsi ilə ittiham olunub.