[b]"OMON"-çular azadlığa buraxılmadı[/b]

Bu gün Qaradağ Rayon Məhkəməsində keçmiş “OMON” üzvləri Elçin Əmiraslanov, Arif Kazımov və Səfa Poladov barəsindəki ömürlük cəzasının 20 il müddətinə azadlıqdan məhrum etmə ilə əvəz edilməsi haqda verdikləri ərizə üzrə məhkəmə prosesi keçirilib.

Lent.az-a bu barədə vəkil Elçin Sadıqov məlumat verib. Vəkilin sözlərinə görə, hakim Rəşad Məmmədovun sədrliyi ilə keçirilən prosesdə məhkəmə ərizəni icraata qəbul etməkdən imtina edib.

Qərardan apellyasiya şikayəti veriləcək.

Qeyd edək ki, E. Əmiraslanov Qazax OMON-çu dəstəsinin komandiri olub, Səfa Poladov və Arif Kazımov isə həmin dəstənin döyüşçüləri olub. 1996-cı ildə saxlanılan şəxslərə ölüm cəzası verilib. Sonrada ölüm cəzası ömürlük azadlıqdan məhrum etmə cəzası ilə əvəzlənib. 16 dekabr 2016-cı ildə onların cəzalarının 20 ili tamam olur. Onlar 2000-ci ilədək qüvvədə olan Cinayət Məcəlləsinin 23-cü maddəsinə əsasən bağışlanma ilə 20 ilədək azadlıqdan məhrum etmə cəzası ilə əvəz edilməsini istəyirlər.