UEFA Çempionlar Liqasında yarımfinal mərhələsinin bir oyununun hakim təyinatı açıqlanıb. Apasport.az saytının məlumatına görə, qitə futbol qurumu cavab matçları çərçivəsində keçiriləcək “Real” – “Bavariya” görüşününün hakimlər briqadasını açıqlayıb.
Mayın 1-də “Santyaqo Bernabeu”da baş tutacaq görüş türkiyəli Cüneyt Çakıra tapşırılıb. Ona həmyerliləri Bahattin Duran və Tarık Onqun kömək edəcəklər. Qarşılaşmanın 4-cü hakimi funksiyasını Mustafa Eyisoy yerinə yetirəcək. Hüseyin Göçeklə Barış Şimşək isə əlavə hakim köməkçiləri olacaq.
Qeyd edək ki, bu komandalar arasında Almaniyada keçirilən ilk oyunda “Real” 2:1 hesablı qələbə qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
