Saatlı Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində dələduzluq əməllərinə görə, axtarışda olan Cavid Dadaşov saxlanılıb.
Daxili İşlər Nazirliyinin Mətbuat Xidmətinin Şirvan regional qrupundan Lent.az-a verilən məlumata görə, Cavid Dadaşov dörd rayon sakininin etibarından sui-istifadə edərək onlara yüksək gəlirli iş tapmaqda, avtomobil almaqda və xarici ölkələrdə müalicə olunmaqda köməklik göstərəcəyi vədini verib. Lakin o, bu yalan vədlərlə zərərçəkənlərin 30.000 manatdan artıq pulunu ələ keçirib.
Cavid Dadaşov saxlanılıb?
Məhkəmənin qərarı ilə Cavid Dadaşov barəsində həbs qətimkan tədbiri seçilib.
Hüquq-mühafizə orqanları onun qanunsuz əməllərindən zərərçəkən digər şəxslərin olub-olmaması ilə bağlı araşdırmaları davam etdirir. Əgər belə şəxslər mövcuddursa, polisə müraciət etmələri tövsiyə olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
