Polşada kişi arvadını öldürməkdə şübhəli bilinir. Faciə onların toy gecəsi baş verib.
Lent.az-ın xarici mediaya istinadən xəbərinə görə, Polşada 41 yaşlı qadın ölü tapılıb. Faciə qurbanın toyundan dərhal sonra baş verib.
Faciə sentyabrın 20-si gecəsi Skoroqoşe kəndində (Opole voyevodalığı) baş verib. 47 yaşlı kişi və 41 yaşlı qadın şənbə günü evləniblər. Növbəti səhər gəlin vəhşicəsinə qətlə yetirilib.
"Faciə sentyabrın 20-də günü baş verib. Həmin gün, saat 4:00-dan sonra polisə ailədaxili münaqişə barədə məlumat daxil olub. Polis əməkdaşları gələndə binanın içərisində 41 yaşlı qadının cəsədini aşkar ediblər. Həkim qadının öldüyünü bildirib", - açıqlamada bildirilir.
Bundan sonra polis 41 yaşlı qadının əri olan 47 yaşlı kişini saxlayıb. Bresse prokurorluğunun nəzarəti altında hüquq-mühafizə orqanlarının əməkdaşları hadisə yerində çoxsaylı ayaq izləri, eləcə də mümkün cinayətin törədilməsində istifadə edilə bilən silahlar müsadirə ediblər. Onlar həmçinin şahidləri dindiriblər. Prokurorun qərarına əsasən, qadının cəsədi məhkəmə-tibbi ekspertizası üçün götürülüb.
Məlumata görə, qadının balta zərbələrindən öldüyü ehtimal olunur. 41 yaşlı qadının əri iş üzrə şübhəli şəxsdir; o, artıq həbs olunub. Cütlük bir neçə ildir birlikdə olub. Onlar ötən şənbə günü şəxsi mərasimdə evləniblər. 47 yaşlı kişi hadisə zamanı çox sərxoş olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
