Tiktokerlər Nuh və "Xan"ın da həbs müddətləri uzadıldı - YENİLƏNİB

"TikTok" əməliyyatlarında saxlanılan tiktoker Nuh Məmmədzadənin də həbs müddəti uzadılıb.

Lent.az xəbər verir ki, bu barədə qərar Nərimanov rayon Məhkəməsində keçirilən prosesdə elan edilib.

Hakim Səbinə Nuriyevanın sədrliyi ilə keçirilən prosesdə tiktokerin həbs müddəti 2 ay uzadılıb.

N. Məmmədzadə də Cinayət Məcəlləsinin 234.1-1-ci (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi ilə ittiham olunub və barəsində 4 ay müddətinə həbs-qətimkan tədbiri seçilmişdi.

***
18:20

Polis tərəfindən "TikTok" əməliyyatlarında saxlanılan "Xan" ləqəbli tiktoker Əsgər Əlizadənin həbs müddəti uzadılıb.

Lent.az xəbər verir ki, bu barədə qərar Nərimanov rayon Məhkəməsində keçirilən prosesdə elan edilib.

Belə ki, hakim Səbinə Nuriyevanın sədrliyi ilə keçirilən prosesdə tiktokerin həbs müddəti 2 ay uzadılıb.

Qeyd edək ki ötən ilin dekabrında saxlanılan "Xan" ləqəbli tiktokerə qarşı Cinayət Məcəlləsinin 234.1-1-ci (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi ilə ittiham irəli sürülmüşdü və o Məhkəmənin qərarı ilə barəsində 4 ay müddətinə həbs-qətimkan tədbiri seçilmişdi.