Sumqayıtda avtobus sürücüsü yol polisinin “Saxla” əmrinə tabe olmayıb.
APA-nın yerli bürosunun məlumatına görə, YPX əməkdaşları tərəfindən avtobus sürücüsünə “Saxla” əmri verilib. Lakin o, polisin əmrinə tabe olmayıb və hərəkəti davam etdirib. Yüksək sürətlə şəhərin yolları ilə şütüyən avtobusu saxlamaq üçün Sumqayıt Dövlət Yol Polisi əməkdaşları maneə yaradaraq istəklərinə müvəffəq olublar.
Avtobusu idarə edən 1977-ci il təvəllüdlü Quluyev Ceyhun Ələmqulu oğlu saxlanılaraq məsuliyyətə cəlb edilib. İlkin ehtimala görə, sürücü sərxoş olub.
Hazırda araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
