Tverdə Federal Təhlükəsizlik Xidmətinin və İstintaq Komitəsinin əməkdaşları Rusiya Milli Qvardiyasının döyüşçülərinin güclü dəstəyi ilə etnik mütəşəkkil cinayətkar qrupun fəaliyyətini dayandırıblar.
Lent.az xarici mediaya istinadla xəbər verir ki, altı Azərbaycan vətəndaşı saxlanılıb.
Məlumata görə, mütəşəkkil cinayətkar qrup uzun müddət markasız tütün və alkoqollu məmulatların ticarəti ilə məşğul olub.
Saxta məhsullar həm Tverdə, həm də Tver vilayətində satılıb. Keçirilən əməliyyat tədbirləri nəticəsində Tsanova bulvarında ümumi dəyəri təxminən 100 000 000 rubl (1 milyon dollardan çox) dəyərində olan anbarlardan saxta spirtli içkilər və tütün məmulatları götürülüb. Qutularda araq, viski, konyak və tekila da müsadirə edilib. Bütün spirt məşhur markaların ticarət nişanları olan qablaşdırılıb.
Faktla bağlı cinayət işi açılıb, məhsullar ekspertizaya göndərilib, vətəndaşların sağlamlığına dəymiş ziyanın dərəcəsi müəyyən ediləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
