ABŞ-ın Texas ştatının Hyuston şəhərində baş verən faciəli hadisə ölkə gündəmini sarsıdıb.
Fox News xəbər verir ki, polisin məlumatına görə, tanınmış restoran sahibi ailə üzvlərinin ölümündə əsas şübhəli şəxs hesab olunur.
Məlumata görə, 52 yaşlı Matthew Mitchell, onun 39 yaşlı hamilə həyat yoldaşı Thy Mitchell və iki azyaşlı övladı – 8 yaşlı qız və 4 yaşlı oğlan evlərində ölü tapılıb. Hadisə uşaqların dayəsi və yaxın qohumun ailə ilə əlaqə saxlaya bilməməsindən sonra edilən yoxlama zamanı üzə çıxıb.
Rəsmi məlumatlara əsasən, ilkin ehtimala görə, ata əvvəlcə həyat yoldaşını və uşaqlarını öldürüb, daha sonra isə öz həyatına son qoyub. Uşaqların meyitinin öz otaqlarında tapıldığı bildirilir, lakin hadisənin dəqiq nə vaxt baş verdiyi hələ müəyyən edilməyib.
Matthew Mitchell Hyustonda məşhur “Traveler’s Table” restoranının sahibi olub və əvvəllər farmasevtika sahəsində rəhbər vəzifələrdə çalışıb. Onun həyat yoldaşı Thy Mitchell isə restoran biznesində aktiv iştirak edən və ictimai fəaliyyətləri ilə tanınan şəxs olub.
Ailə şəhərin varlı bölgələrindən biri olan River Oaks-da yaşayırdı. Bu hadisə həm yerli ictimaiyyətdə, həm də biznes mühitində böyük şok yaradıb. Qonşular və tanışlar ailəni nümunəvi və uğurlu kimi tanıdıqlarını bildiriblər. Hazırda hüquq-mühafizə orqanları hadisənin səbəblərini araşdırır. Motiv hələ açıqlanmayıb və istintaq davam edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
