Rayonlarda nişana və yasa gələnləri peşman etdilər

Cəlilabadda nişan, Lənkəranda isə yas məclisi keçirənlər cərimələnib.

Daxili İşlər Nazirliyi mətbuat xidmətinin Lənkəran regional qrupundan Lent.az-a verilən məlumata görə, Cəlilabad rayon Polis Şöbəsi əməkdaşlarının keçirdiyi tədbirlər zamanı şəhər sakini M.Məmmədovun karantin rejiminin qaydalarını pozaraq qızına nişan məclisi təşkil etdiyi müəyyən edilib. Polis əməkdaşları həmin məclisin təşkilatçılarına bir daha karantin rejiminin qaydalarını izah edib. 10 nəfər barəsində İnzibati Xətalar Məcəlləsinin müvafiq maddəsinə əsasən qanunamüvafiq tədbirlər görülüb

Lənkəran rayon Polis Şöbəsi əməkdaşlarının keçirdikləri tədbirlərlə isə rayon sakini Q.Əkbərovun karantin rejim qaydalarını pozaraq Separadi kəndində qohumuna yas mərasimi təşkil etdiyi müəyyən edilib. Həmin ünvanda olan polis əməkdaşları bir daha məclis iştirakçılarına karantin rejim qaydalarını izah edib. Məclisin təşkilatçısı barədə İnzibati Xətalar Məcəlləsinin müvafiq maddəsi ilə qanunamüvafiq tədbirlər görülüb.