Martın 6-sı saat 20 radələrində 1989-cu il təvəllüdlü Ramilə Əsədovanın Füzuli rayonu ərazisində yaşadığı evdə aldığı xəsarətlərdən ölməsi barədə rayon prokurorluğuna məlumat daxil olmuşdur.
Respublika Baş Prokurorluğundan Lent.az-a verilən məlumata görə, aparılmış ilkin araşdırmalarla zərərçəkmişin atası 1957-ci il təvəllüdlü Ağarəhim Niftəliyevin şəxsi münasibətlər zəminində aralarında yaranmış münaqişə zamanı Ramilə Əsədovaya çoxsaylı bıçaq xəsarətləri yetirərək qəsdən öldürməsinə əsaslı şübhələr müəyyən edilib.
Faktla bağlı Füzuli rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Ağarəhim Niftəliyev şübhəli şəxs qismində tutularaq istintaqa cəlb edilmib.
Hazırda cinayət işi üzrə zəruri istintaq tədbirləri davam etdirilir.
***
02.45
Füzulidə ata evdə qızını qətlə yetirib.
Lent.az APA-nın Mil-Muğan bürosuna istinadən xəbər verir ki,hadisə Qarabağ kəndində qeydə alınıb.
Kəndi sakini, Ağarəhim Əsədov ailə münaqişəsi zəminində qızı 1989-cu il təvəllüdlü Əsədova Ramiləni bıçaqla qətlə yetirilib.
Faktla bağlı Füzuli Rayon Prokurorluğunda cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
