Rusiya Daxili İşlər Nazirliyinin Perm ərazisi üzrə İqtisadi Təhlükəsizlik və Korrupsiyaya Qarşı Mübarizə İdarəsinin əməkdaşı rüşvət almaqda təqsirli bilinib.
Lent.az yerli mediaya istinadla bildirir ki, Sverdlovsk rayon Məhkəməsi mayor Nikolay Oqorodnikovu 3 il müddətinə azadlıqdan məhrum edib.
Oqorodnikov cəzasını ümumi rejimli həbsxanada çəkəcək. O, həmçinin bir milyon rubldan çox cərimə ödəməlidir.
Məlumata görə, keçmiş polis birjada oynamaq üçün dostuna pul verib. Lakin istintaq onun udduğu pulu rüşvət hesab edib. Hüquq-mühafizə orqanının keçmiş əməkdaşı korrupsiyada təqsirli olduğunu etiraf etməyib.
Oqorodnikov 15 ildən artıq Daxili İşlər Nazirliyində işləyib. O, səs-küylü işlərin istintaqına cəlb edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
