Piyadaları maşın vurub öldürdü

Bakı, Hacıqabul və Siyəzəndə ölümlə nəticələnən yol qəzaları olub.

Lent.az-ın məlumatına görə, hadisə Bakı kənar dairəvi yolunun Qaradağ rayonundan keçən hissəsində qeydə alınıb. 35 yaşlı Məmmədov Elvin Bilal oğlu idarə etdiyi "Mazda" markalı avtomobillə 82 yaşlı Niyazov Sakit Həmid oğlunu vurub.

Piyada aldığı xəsarətlərdən yerindəcə keçinib.

Hacıqabul rayonu Atbulaq kəndindən keçən hissəsində 27 yaşlı Kürdəmir sakini Səmədli Nurlan Fizuli oğlu idarə etdiyi "VAZ-2107" markalı avtomobillə 42 yaşlı Fərhadov Qeyis Vahid oğlu və 37 yaşlı Quliyev Pərviz Şirxan oğlunu vurub. Nəticədə P. Quliyev aldığı xəsarətlərdən yerindəcə ölübş. Q. Fərhadov isə müxtəlif dərəcəli bədən xəsarətləri alıb.

Həmçinin Siyəzən şəhərində 48 yaşlı Sultanov Qiyasəddin Binadar oğlu idarə etdiyi "Ford Tranzit Tourneo" markalı yük avtomobili ilə 56 yaşlı İsayev Nizami Qoşqar oğlunu vurub. Piyada hadisə yerində keçinib.

Faktlarla bağlı araşdırma aparılır.