Ölümcül xəstəliyə qarşı PEYVƏND HAZIRLANDI

Milli Allergiya və Yoluxucu Xəstəliklər İnstitutu Ebolaya bənzər hemorragik qızdırmaya səbəb olan ölümcül "Marburq" virusuna qarşı eksperimental peyvəmd hazırlayıb.

Lent.az-ın xarici KİV-ə istinadən xəbərinə görə, mütəxəssislər qeyd edirlər ki, ChAd3-MARV peyvəndinin yalnız bir inyeksiyası peyvənddən sonra yeddi gün ərzində qoruyucu immunitet yarada bilər.

Bundan əlavə, tədqiqat peyvəndi insan olmayan primatları ölümcül "Marburq" virusuna məruz qalmaqdan qoruyub. "Marburq" virusu (MARV) qlikoproteinini ifadə edən adenoviral vektordan ibarətdir.

Heyvanlar peyvənddən bir il sonra virusa məruz qaldıqda patogendən qorunurlar. Tədqiqatçılar primatların qanında antigen-spesifik anticisimləri də müəyyən ediblər.

ChAd3-MARV-nin yaradılması bir neçə məqsədə nail olmaq yolunda mühüm addım kimi qiymətləndirilir - "Marburq"xəstəliyinin yayılma riski olan regionlar üçün peyvənd və virusun bioterrorçular tərəfindən istifadə edildiyi halda qoruyucu tədbirlərin hazırlanması.