Vüqar Həşimovun evində PARTLAYIŞ: atası və anası yaralandı - VİDEO - YENİLƏNİB

Novxanıda partlayış baş verən ev mərhum şahmatçı Vüqar Həşimovun valideynlərinə məxsus olub.

Lent.az-ın əldə etdiyi məlumata görə, partlayış nəticəsində Vüqar Həşimovun atası Qasım Həşimov və anası Aidə Həşimova yaralanıb.

***
08:54

Abşeron rayonu, Novxaları bağlarında fərdi yaşayış evində partlayış olub.

Lent.az xəbər verir ki, dağıntılar altında qalanlar FHN-in Dövlət Yanğından Mühafizə və Xüsusi Riskli Xilasetmə xidmətlərinin əməkdaşları tərəfindən xilas edilir.

Məlumata görə evdə 2 nəfər olub. Onlardan biri xilasedicilər tərəfindən evdən çıxarılıb. Digər şəxsin isə axtarışı davam edir.

Fövqəladə Hallar Nazirliyinin “112” qaynar telefon xəttinə Abşeron rayonu, Novxanı kəndində fərdi yaşayış evində partlayış baş verməsi barədə məlumat daxil olub.

Lent.az FHN-ə istinadən xəbər verir ki, məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Əlavə məlumat veriləcək.