Nərdivandan yıxılan qadın kəllə-beyin travması aldı

Hadisə axşam saatlarında Zaqatala rayonunun Mamrux kəndində baş verib.

Lent.az-ın məlumatına görə, kənd sakini 1968-ci il təvəllüdlü Gülsolmaz Abakar qızı Sulxayeva yaşadığı evin həyətyanı sahəsində mal tövləsinin çardağına çıxmaq istəyən zaman nərdivandan yıxılıb.

Hadisə nəticəsində xəsarət alan G. Sulxayeva Zaqatala Rayon Mərkəzi Xəstəxanasının cərrahiyyə şöbəsinə yerləşdirilib. G. Sulxayevaya kəllə-beyin travması, beyin silkələnməsi diaqnozu qoyulub, vəziyyəti orta-ağır qiymətləndirilir.
Faktla bağlı araşdırma aparılır.