Naxçıvan Maliyyə Nazirliyində yoxlamalar   başladı
04 fevral 2023 12:09 (UTC +04:00)

Naxçıvan Maliyyə Nazirliyində yoxlamalar başladı

Naxçıvan Muxtar Respublikası Maliyyə Nazirliyində yoxlamalar başlayıb.

Lent.az APA-ya istinadla xəbər verir ki, yoxlamalar Azərbaycan Respublikası Maliyyə Nazirliyi tərəfindən yenidən keçirilir.

Nazirlikdə ötən il dekabr ayının 14-də başlayan yoxlamalara bir müddət öncə ara verilmişdi.

Naxçıvan Muxtar Respublikası Maliyyə Nazirliyindən APA-ya yoxlamaların keçirildiyini təsdiq ediblər.

Qeyd edək ki, Naxçıvan MR maliyyə naziri Rəfail Əliyev ötən il noyabr ayında Dövlət Təhlükəsizliyi Xidmətinin keçirdiyi əməliyyat zamanı saxlanılıb.

O, Bakıya gətirilib, Səbail rayon məhkəməsinin qərarı ilə Rafael Əliyev barəsində 4 ay müddətinə həbs qətimkan tədbiri seçilib. Rafael Əliyev vəzifə səlahiyyətlərindən sui-istifadə edərək 144 milyon manat dövlət vəsaitini mənimsəməkdə ittiham edilir.

# 1608
avatar

Oxşar yazılar