Məşhur siyasətçinin oğlu müəmmalı şəkildə öldü

Gürcü Vətənpərvərləri Alyansının lideri David Tarxan-Muravinin oğlu Moskvanın şimalında mənzildə ölü tapılıb.

Lent.az-ın xarici mediaya istinadla xəbərinə görə, bazar günü günorta saatlarında 35 yaşlı kişinin meyiti tapılıb. Polisə siqnal daxil olub ki, Novopesçanaya küçəsindəki mənzil sahibi otaqda işıqlar yansa da, zənglərə cavab vermir. Qapını açan hüquq-mühafizə orqanlarının əməkdaşları zorakılıqla ölüm əlamətləri olmayan kişi meyitini aşkar ediblər. Onun ölüm səbəbi hələ də bəlli deyil.

Mərhumun atası, məşhur gürcü siyasətçisi David Tarxan-Mouravi “qızılgül inqilabı”ndan sonra tərk etdiyi ölkə hökumətində bir sıra postlar tutub. Mixail Saakaşvili hökumətinə kəskin şəkildə qarşı çıxan “Müqavimət” hərəkatını qurub. 2012-ci ildə o, 2016-cı ildə parlamentə daxil ola bilmiş “Gürcüstan Vətənpərvərləri Alyansı” partiyasını yaradıb.