Məhkəmə sədri vəfat etdi: Arvadı öldürülmüşdü

Azərbaycanda məhkəmə sədri vəfat edib.

Lent.az-ın məlumatına görə, Bakı şəhər Pirallahı rayon Məhkəməsinin sədri Tapdıq Mahmudov ötən gün dünyasını dəyişib.

Onun şəkərli diabet xəstəliyindən əziyyət çəkdiyi bildirilir.

Qeyd edək ki, Tapdıq Mahmudovun həyat yoldaşı Natəvan Mahmudova 2010-cu ilin oktyabr ayında Bakının Nizami rayonu, Çobanzadə küçəsindəki evində qətlə yetirilib. 39 yaşlı Natəvan Mahmudova xüsusi amansızlıqla öldürülüb. O zaman Tapdıq Mahmudov Ali Məhkəmənin hakimi olub.