Kişi arvadını yarım milyona görə zəhərlədi - TAMAH

Çinin Çjetzyan əyalətində məhkəmə iki ay nikahda olduğu arvadını milyonlarla dollarlıq sığorta xatirinə zəhərləməkdə təqsirləndirilən borclunun işinə baxıb.

Lent.az-ın xarici mediaya istinadla məlumatına görə, Day soyadlı kişi Van soyadlı sevgilisini iki milyon yuana sığorta almağa inandırıb (526 min manatdan çox).

Sığortanı onun atasına ödənməli idi. Cütlük iyul ayında evlənib və toydan dörd gün sonra o, benefisiarın adını (pul vəsaitləri və ya digər əmlakla əlaqədar əməliyyatlardan son nəticədə iqtisadi və ya hər hansı digər fayda əldə edən fiziki və ya hüquqi şəxs, habelə xeyrinə əqdlərin həyata keçirildiyi hüquqi şəxsin əsl sahibi və ya müştəriyə nəzarəti həyata keçirən fiziki şəxsdir) öz adını dəyişdirib.

Day nikahdan iki ay sonra gizli şəkildə kapsullarda mirvari tozunu zəhərlə əvəz etməkdə və Vanı aldadaraq iki həb içirməkdə şübhəli bilinir. Ehtimal olunur ki, çinli bir neçə aydır qətl planlaşdırırmış.

Prokurorlar bildiriblər ki, o, zəhərləyici maddələr sifariş etmək üçün beş dostunun adından istifadə edib. Day qurudulmuş kirpi balığı və ənənəvi Çin təbabətində istifadə edilən tetrodotoksin zəhəri əldə edib.

İş yoldaşları iki gün sonra onun işə gəlməməsinin səbəbini öyrənmək üçün gələndə qadını ölü tapıblar.

İlkin məlumatlara görə, Day pul almaq ümidi ilə arvadını zəhərləyib. Çinlinin kriptovalyuta və səhmlərə uğursuz investisiyaları səbəbindən 2,6 milyon yuan (30 milyon rubl) borcu olub.

Vanın ailəsi evlilikdən yalnız onun ölümündən sonra xəbər tutduqlarını bildirib. Qohumlarından biri deyib: “Onun sevgilisi olduğunu bilirdik, amma onu heç görməmişdik və onun haqqında heç nə bilmirdik. Vanın atası onu görmək istəyib, lakin oğlan onunla görüşməmək üçün hər cür bəhanə tapıb”.

Kişi arvadını öldürdüyünü etiraf edib. Məhkəmə qərarın daha sonra veriləcəyini açıqlayıb.