Türkiyədə keçmiş həyat yoldaşını və qızını dəfələrlə bıçaqlayıb öldürən şəxs saxlanılıb.
Lent.az xarici mətbuata istinadən xəbər verir ki, hadisə Türkiyənin Ərzurum bölgəsində baş verib.
Ötən il keçmiş həyat yoldaşı Ayşe İşlek və qızı Tuba Kızılı bir neçə dəfə bıçaqlayaraq öldürməkdə təqsirli bilinən Erdal Kızıl mühakimə olunub.
O, izahatında psixologiyasının pozulduğunu bildirib:
"Günahkaram, amma psixologiyam pozulub. Həyat yoldaşım və qızımla hər axşam televiziyaya baxırdıq. Onlar hər dəfə üstümə şər atıb, həbsə göndərəcəklərini deyirdilər. Çox qorxdum. Eyvanda hava almaq istədim. Ayşe mənə “durma, otur” dedi.
Eyvanda bir az vaxt keçirdim. Sakitləşmələrini gözlədim. Lakin onlar qışqırmağa başladılar. Dərhal mətbəxdən bıçaq götürdüm. İlk zərbəni həyat yoldaşıma vurdum. Sonra qızımı bıçaqladım. Amma qızımı neçə dəfə bıçaqladığımı xatırlamıram”.
Qeyd edək ki, o, keçmiş həyat yoldaşı Ayşe İşlek 28 və qızı Tuba Kızılı 14 yerindən bıçaqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
