Sabirabadda kanala düşmüş avtomobil çıxarılıb
06 dekabr 2021 03:33 (UTC +04:00)

Sabirabadda kanala düşmüş avtomobil çıxarılıb

Kanala düşmüş avtomobil çıxarıldı -YENİLƏNİB

Sabirabad rayonunun Nərimankənd kənd sakinləri, 1990-cı il təvəllüdlü Bayramov Fəyyal Eldar oğlu idarə etdi “QAZ-31” markalı 54 BM 990 dövlət nömrə nişanlı avtomobil sürətlə hərəkətdə olarkən kənd ərazisində yerləşən Sabir adına kanala aşıb.

Nəticədə sürücü  və avtomobildə olan sərnişin kənd sakini, 1989-cu il təvəllüdlü Məmmədov Cəlal Qubad oğlu suda boğularaq ölüblər. Meyitləri sudan çıxarmaq üçün hadisə yerinə Fövqəladə Hallar Nazirliyinin Sabirabad YMX-nın xüsusi riskli xilasetmə qüvvələri cəlb edilib. Meyitlər sudan çıxarılaraq müayinə olunmaq üçün  Sabirabad Məhkəmə Tibbi Ekspertiza və Patoloji anatomiya mərkəzinə yerləşdirlib.
Faktla bağlı Sabirabad polis şöbəsi tərəfindən araşdırma aparılır.
 

***

02.55

Sabirabadda yoldan çıxaraq kanala düşmüş avtomobil çıxarılıb.

APA-nın hadisə yerində olan müxbirinin məlumatına görə, “QAZ-31” markalı minik avtomobili xüsusi texnikanın köməyi ilə Sabir kanalından çıxarılıb.

***

02.29

Sabirabadda avtomobilin kanala düşməsi nəticəsində həlak olanların şəxsiyyəti  müəyyən edilib.

Lent.az-ın APA-ya istinadla məlumatına görə, bunlar rayonun Nərimankənd kənd sakinləri, 1990-cı il təvəllüdlü Bayramov Fəyyal Eldar oğlu və 1989-cu il təvəllüdlü Məmmədov Cəlal Qubad oğludur.
 

***

01.34

Avtomobilin kanala düşməsi ölümlə nəticələnib.

Lent.az-ın APA-ya istinadla məlumatına görə, hadisə Sabirabad rayonunun Nərimankənd kəndində qeydə alınıb.
“QAZ-31” markalı avtomobilin kanala aşması nəticəsində avtomobildə olan 2 nəfər ölüb. Hazırda avtomobilin sudan çıxarılaması istiqamətində işlər aparılır.

Faktla bağlı araşdırma aparılır.
 

# 1413
avatar

Oxşar yazılar