10:53 21 aprel 2021

Jurnalistika fakültəsinin keçmiş müəllimi vəfat etdi

Bakı Dövlət Universitetinin (BDU) Jurnalistika fakültəsinin sabiq müəllimi Ağamusa Zeynalov vəfat edib.

APA xəbər verir ki, 81 yaşlı A. Zeynalov aprelin 20-də axşam saatlarında dünyasını dəyişib.  

Qeyd edək ki, Ağamusa Zeynalov 1940-cı ildə anadan olub. 1958-ci ildə Bakı Dövlət Universitetinin filologiya fakültəsinə jurnalistika ixtisası üzrə qəbul olunub. 1963-cü ildə oranı fərqlənmə diplomu ilə bitirib.

1963-1965-ci illərdə Azərbaycan Pedaqoji İnstutunda „Gənc müəllim" qəzetində çalışıb. 1973-1977-ci illərdə BDU-da “Bakı universiteti" qəzetinin redaktoru, 1965-1994-cü illərdə direktoru olub.  

1994-cü ildən BDU-da Jurnalistikanın nəzəriyyəsi və təgrübəsi kafedrasında baş müəllim vəzifəsində işləyib. 50 elmi, 600-dən çox publisistik məqalənin müəllifidir.

Allah rəhmət eləsin!

# 699
avatar

Oxşar yazılar