İsmayıllı məktəbində DƏHŞƏT: şagird ikinci mərtəbədən yerə çırpıldı - YENİLƏNİB

İsmayıllıda məktəb binasından yıxılan şagirdlə bağlı Regional Təhsil İdarəsi münasibət bildirib.

İdarənin İctimaiyyətlə Əlaqələr üzrə məsul şəxsi Anar Osmanov Lent.az-a açıqlamasında hadisənin prokurorluq tərəfindən araşdırıldığını deyib:

"Hazırda hadisə ilə bağlı araşdırma aparılır. Şagird Yeganə Məhəmməd qızı Rüstəmovadır. Xəstəxanada şagird hələlik qapalı saxlanılır, otağa heç kəs buraxılmır. Hadisənin səbəbləri məlum olduqdan sonra ətraflı məlumat veriləcək".

***

10:17

"Məktəb binasından yıxılan qız Bakıya gətirilib".

Bu sözləri Lent.az-a İsmayıllı rayonu Kürdmaşı kənd bələdiyyə nümayəndəliyində bildirilib.

Verilən məlumata görə, hazırda uşağın vəziyyəti normaldır:

"Uşağın vəziyyəti qənaətbəxşdir. Valideynləri müayinə üçün Bakıya aparıb. Başqa bir məlumat yoxdur".

***

09:53

İsmayıllıda şagird qız məktəb binasından yıxılıb.

Lent.az-ın əldə etdiyi məlumata görə, hadisə rayonun Kürdmaşı kəndində yerləşən orta məktəbdə qeydə alınıb. Burada 9-cu sinifdə təhsil alan 15 yaşlı qız məktəbin 2-ci mərtəbəsindən yıxılaraq, xəsarətlər alıb.

Hadisənin ehtiyatsızlıqdan baş verməsi və ya intihar olması hələlik dəqiq bilinmir.

Faktla bağlı rayon prokurorluğunda araşdırma aparılır.