İş adamı 8 nəfəri belə aldatdı - 30 minlik gömrük dələduzluğu

Bakıda bir neçə nəfərə qarşı dələduzluq edilib.

Lent.az-ın məlumatına görə, “Ecotravel” şirkətinin rəhbəri R. Alyarlı 8 nəfərə qarşı dələduzluqda təqsirləndirilir. Belə ki, o, xaricdən düyü və toyuq gətirib Azərbaycanda satmaq istəyən istəyən A. Savalanova malların gömrükdən keçirilməsinə kömək edəcəyini bildirib. Bu yolla ondan 29 min 700 manat pul alıb.

Həmçinin Birləşmiş Ərəb Əmirliklərinin Dubay şəhərinə getmək istəyən 2 qadın və 1 kişinin sənəd düzəltmək, otel təşkil etmək adı ilə 4656, Türkiyəyə getmək istəyən 1 nəfərin 716, Rusiyanın Sankt-Peterburq şəhərinə getmək istəyən 2 nəfərin isə 4370 manat pulunu ələ keçirib.

Ümumilikdə R. Alyarlı 39 min 442 manat məbləğində dələduzluqda ittiham olunur.

Zərərçəkmişlərin hüquq-mühafizə orqanlarına müraciəti əsasında, o, saxlanılıb və hazırda istintaq təcridxanasındadır. Onun barəsində Cinayət Məcəlləsinin 178.2.2-ci (dələduzluq, təkrar törədildikdə) maddəsi ilə cinayət işi başlanıb.

Cinayət işinə Nərimanov rayon Məhkəməsində baxılacaq.