İrada görə kafedə müştərinin gözünü çıxardı

Tümen vilayətində məhkəmə qarşısına çıxarılan şəxs siqaret çəkməmək tələbinə görə kafe ziyarətçisinin gözünü çıxarıb.

Lent.az-ın xarici mediaya istinadla xəbərinə görə, hadisə Yalutorovskda kafedə baş verib. Orada iki ziyarətçi mübahisə edib - onlardan birinin sərxoş vəziyyətdə siqaret yandırması digər ziyarətçinin narazılığına səbəb olub və o, qaydanı pozan şəxsə irad bildirib. Sonuncu əsəbiləşib, bıçaq üçün evə gedib, daha sonra irad bildirəndən bayıra çıxmasını tələb edib, orada bıçaqla onun gözünə xəsarət yetirib, nəticədə o, kor olub.

Məhkəmə qəsdən sağlamlığa ağır zərər vurma maddəsi ilə təqsirli bilib və ona dəymiş mənəvi ziyan ödənilməklə 6 il müddətinə azadlıqdan məhrum edilib.