Noyabrın 23-də ABŞ-ın Merilend ştatının Montqomeri dairəsində güclü yanğın baş verib, 1,8 milyon dollar dəyəri olan ikimərtəbəli şəxsi ev tamamilə yanıb.
Lent.az-ın xarici mediaya istinadla məlumatına görə, lakin yalnız dekabrın əvvəlində yanğınsöndürənlər bu hadisə ilə bağlı maraqlı təfərrüatlar danışıblar.
Məlum olub ki, yanğına zirzəmidə ilan olan ev sahibi səbəb olub. Kişi mütəxəssisləri dəvət etməyib, problemin öhdəsindən təkbaşına gəlmək qərarına gəlib. Bunun üçün o, ilan sığınacağının yaxınlığındakı zirzəmiyə köz səpərək, arzuolunmaz qonşuları tüstü ilə boğmağa çalışıb.
Lakin nə isə səhv olub və kömürlərdən yaxınlıqda yerləşən yanar materiallar alışıb. Yanğın sürətlə divarlara qalxaraq damı uçurub. Nəticədə ev bir neçə saat ərzində tamamilə yanıb.
Yanğınla 75 nəfər mübarizə aparıb və yanğından dəyən ümumi ziyan bir milyon dollara yaxın olub.
İlanlara nə baş verdiyi məlum deyil. Onları yanan evin yerində tapmaq mümkün olmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
