Həbsxanada ÜSYAN: Çox sayda ölən var

Ekvadorun El-Turi həbsxanasında məhbusların genişmiqyaslı üsyanı nəticəsində 20 nəfər həlak olub.

Lent.az-ın xarici mediaya istinadla məlumatına görə, Ekvador milli polisinin komandiri Karlos Kabrera bildirib ki, həbsxanada iğtişaşlar aprelin 3-də məhbus dəstəsinin üzvləri arasında başçılıqla bağlı mübahisə zəminində başlayıb.

Onun sözlərinə görə, 19 nəfər zorakılıq aktlarının qurbanı olub, bir nəfər kimyəvi zəhərlənmə nəticəsində ölüb.

Məlumata görə, iğtişaşlar zamanı azı 11 nəfər xəsarət alıb. Hazırda hüquq-mühafizə orqanlarının əməkdaşları ölənlərin meyitlərinin yaxınlarına təhvil verilməsi üçün şəxsiyyətini müəyyənləşdirir. Qeyd olunur ki, cəzaçəkmə müəssisəsində asayiş bərpa edilib, o, hakimiyyət orqanlarının nəzarətindədir.