Deportasiya qərarının ləğvi üçün rüşvət verən azərbaycanlı tutuldu

Azərbaycan vətəndaşı deportasiya qərarını ləğv etmək üçün rüşvət verib.

Lent.az Rusiya KİV-nə istinadla bildirir ki, bu barədə Kuzbass üzrə İstintaq Komitəsinin mətbuat xidməti məlumat yayıb.

Məlum olub ki, əcnəbi onun Rusiyadan inzibati qaydada deportasiyası ilə bağlı qərarın ləğvini təmin etmək üçün hüquq-mühafizə orqanının əməkdaşına 100 min rubl (1700 manat) verib. İşçi əməliyyat tədbiri çərçivəsində hərəkət edib. Pulu alan vəzifəli şəxs olub.

Pulun verilməsi baş verdikdən sonra bölgədəki Feeral Təhlükəsizlik Xidməıtinin əməkdaşları həmin şəxsi saxlayıb. İşin bütün materialları məhkəməyə verilib. Onlara hüquqi qiymət verilib və bundan sonra cinayət işi başlanıb.

Məhkəmə həbs qətimkan tədbiri seçib. İstintaq tədbirləri davam etdirilir.