"Dayanma-durma cərimələri silinsin, ya da BNA özü ödəsin" - TƏKLİF
24 fevral 2022 23:30 (UTC +04:00)

"Dayanma-durma cərimələri silinsin, ya da BNA özü ödəsin" - TƏKLİF

Son zamanlar müzakirə olunan mövzulardan biri də Bakı Nəqliyyat Agentliyi tərəfindən yazılan dayanma-durma cərimələrinin silinməsi ilə bağlıdır. Belə ki, onsuz da İnzibati Xətalar Məcəlləsinin 346.1-ci (Dayanma və ya durma qaydalarını pozmağa görə) maddəsinə əsasən tərtib olunan bu cərimələr hər zaman vətəndaşların narazılığına səbəb olub.

Avtomobil sahiblər sosial şəbəkələrdə tez-tez fotolar paylaşaraq, BNA-nın haqsız olduğunu iddia edərək, cərimə yazmasından şikayətləniblər. Bir müddət əvvəl isə Milli Məclisin iclasında deputat Tahir Kərimli də çıxış edərək fevralın 1-dək olan bütün cərimələrin silinməsini təklif etmişdi.

Mövzu ilə bağlı Lent.az-a danışan deputat Fazil Mustafa BNA-nın yazdığı cərimələrin silinməsini doğru hesab edib:

Fazil Mustafa

“Bəli dayanma-durma cərimələri silinməlidir. Çünki bu vətəndaşın cibinə girmək üçün düşünülmüş cərimələrdir. Diqqət yetirsəniz ölkə prezidenti Bakı Nəqliyyat Agentliyi ilə bağlı çıxışında da bildirdi ki, lazımi səviyyədə park yeri yaradın ki, vətəndaşdan məsuliyyət tələb edə biləsiniz. Lakin indiki halda lazımi qədər park yeri yoxdur. Ona görə də, vətəndaşdan belə bir cərimə yükünü tələb etmək olduqca məntiqsizdir. Bu həmçinin sosial narazılığı qaldırmaq məqsədi güdür. Bu səbəbdən mənim də fikrimcə, ən azı fevralın 1-dək olan bütün cərimələr ləğv olunmalıdır”.

Avtomobil məsələləri üzrə ekspert Eldəniz Cəfərov da saytımıza açıqlamasında cərimələrin ya silinməsini, ya da BNA-nın özü tərəfindən ödənilməsini bildirib:

Eldəniz Cəfərov

“Həqiqətən də bu gün Bakıda dayanma-durmaya görə, yazılan cərimələrin bir qismi əsassız və hətta qanunsuzdur. Dəfələrlə şahidi olmuşuq ki, nasaz olduğu üçün məcburi halda yol kənarında dayanan, yaxud dayanma-durmanın qadağan edilmədiyi yerlərdə saxlanılan nəqliyyat vasitələrinə Bakı Nəqliyyat Agentliyi tərəfindən cərimə yazılıb. Təbii ki, bu cür cərimələr doğru deyil. Həmin protokollar ya silinməli, ya da BNA tərəfindən dövlət büdcəsinə ödənilməlidir. Avtomobillər üçün dayanma-durmaya şərait yaratmadan ucdantutma hamıya cərimə yazılması əlbəttə ki, cəmiyyətimizdə haqlı narazılığa səbəb olub. Bu narazılıqlar indi də davam edir. Buna görə də, yaxşı olar ki, ya həmin cərimələr silinsin, ya da BNA özü ödəsin”.

Qeyd edək ki, fevralın 7-də ölkə prezidentinin fərmanı ilə Bakı Nəqliyyat Agentliyi ləğv edilərək, səlahiyyətlərin bir hissəsi Bakı şəhər İcra Hakimiyyətinə, bir hissəsi isə Daxili İşlər Nazirliyinin tabeliyinə verildi. Həmçinin, Milli Məclisin iclasında dayanma-durma cərimələrinin məbləği 20 manatdan 40 manata qaldırılıb.

1 2 3 4 5 İDMAN XƏBƏRLƏRİ
# 3840
avatar

Mehman Nəbiyev

Oxşar yazılar

Aşura günü qaydaları pozan sərxoş sürücülər tutuldu

Aşura günü qaydaları pozan sərxoş sürücülər tutuldu

21 iyul 2024 , 21:06
Bu ölkədə bir gündə 40 nəfər  suda batdı:   İkisi uşaqdır

Bu ölkədə bir gündə 40 nəfər suda batdı: İkisi uşaqdır

21 iyul 2024 , 19:25
Keçmiş nazir təcridxanada intihara cəhd etdi

Keçmiş nazir təcridxanada intihara cəhd etdi

21 iyul 2024 , 19:13
Bakıda “Abşeron” ticarət mərkəzində yanğın oldu

Bakıda “Abşeron” ticarət mərkəzində yanğın oldu

21 iyul 2024 , 18:46
92 yaşlı kişi faciəli şəkildə öldü

92 yaşlı kişi faciəli şəkildə öldü

21 iyul 2024 , 17:39
Cəlilabadda ev belə kül oldu-FOTO

Cəlilabadda ev belə kül oldu-FOTO

21 iyul 2024 , 17:19
Mənzildə kişi meyiti tapıldı

Mənzildə kişi meyiti tapıldı

21 iyul 2024 , 17:11
Ermənilər Kəlbəcəri atəşə tutdu

Ermənilər Kəlbəcəri atəşə tutdu

21 iyul 2024 , 09:27